informations about jio SIM 4g page 1

Reliance Jio 4G: സാധാരണയായി ചോദിക്കുന്ന ചോദ്യങ്ങളും ഉത്തരങ്ങളും.
-------------------------------------------------------------
Jio 4G സിമ്മിനെക്കുറിച്ചും സർവീസിനെക്കുറിച്ചും ഒരുപാട് ചോദ്യങ്ങൾ ഉയരുന്നുണ്ട്. പലപ്പോഴും ഒരേ ചോദ്യം തന്നെ ആവർത്തിച്ച് വരുന്നതുകൊണ്ടുള്ള മുഷിച്ചിൽ ഒഴിവാക്കാൻ വേണ്ടിയാണ് ഇങ്ങനെയൊരു പോസ്റ്റ് ഇടുന്നത്. Jioയെക്കുറിച്ചുള്ള സംശയങ്ങളുമായി വരുന്നവർക്ക് ഈ പോസ്റ്റ് ഒരു സഹായകമാകുമെന്ന് പ്രതീക്ഷിക്കുന്നു.
-------------------------------------------------------------

1. എന്താണ് Jio 4G?
റിലയൻസ് ഇന്ഡസ്ട്രീസിന്റെ ഉടമസ്‌ഥൻ മുകേഷ് അംബാനി ആരംഭിച്ച ഏറ്റവും പുതിയ 4G മൊബൈൽ സർവീസ് ആണ് Jio 4G.
2. എന്താണ് മറ്റ് നെറ്റ്‌വർക്കുകളെക്കാൾ Jioക്കുള്ള പ്രത്യേകത?
പല ഘടകങ്ങളുണ്ട്. പ്രധാനമായും സ്പീഡ് ആണ്. 10MBps വരെ സ്പീഡ് ഉള്ള ഹൈസ്പീഡ് ഇന്റർനെറ്റ് ഉപയോഗിക്കാം. അതിനോടൊപ്പം അവരുടെ പ്രിവ്യു ഓഫർ കൂടി വന്നപ്പോഴാണ് ജനം അവരിലേക്ക് ആകൃഷ്ടരായത്.
3. എന്താണ് Jio പ്രിവ്യു ഓഫർ?
Jio പ്രിവ്യു ഓഫർ കൊണ്ട് ചില തിരഞ്ഞെടുത്ത ഫോണുകളിൽ Jio സിമ്മിനോടൊപ്പം 3 മാസത്തേക്ക് യാതൊരു നിയന്ത്രണവുമില്ലാതെ (Unlimited) ഇന്റർനെറ്റ്, കോളുകൾ, മെസ്സേജുകൾ എന്നിവ ഉപയോഗിക്കാം.
4. എങ്ങനെയാണു Jio സിം കിട്ടുന്നത്?
Jio സിം ലഭിക്കാൻ ഏതെങ്കിലുമൊരു LYF ഫോൺ വാങ്ങണം. അല്ലെങ്കിൽ നിങ്ങളുടെ കയ്യിൽ Samsungന്റെ Galaxy A5, A7, Note 4, Note 5, Note Edge, S6, S6 Edge, S6 Edge+, S7, S7 Edge ഇതിലേതെങ്കിലും ഒരു ഫോൺ ഉണ്ടായിരിക്കണം.
5. മേൽപ്പറഞ്ഞ ഫോൺ എന്റെ കയ്യിലുണ്ട്. സിം എങ്ങനെ വാങ്ങും?
ഫോണിൽ MyJio എന്ന ആപ്പ് Play Storeൽ നിന്ന് ഇൻസ്റ്റോൾ ചെയ്യുക. ശേഷം ആപ്പ് തുറന്ന് Get Jio SIM എന്ന ഓപ്ഷൻ ക്ലിക്ക് ചെയ്യുക. ആവശ്യമായ വിവരങ്ങൾ കൊടുത്ത് ബാർകോഡ് ജനറേറ്റ് ചെയ്ത് അതുമായി അടുത്തുള്ള Reliance Digital സ്റ്റോർ അല്ലെങ്കിൽ DX Mini സ്റ്റോറിൽ ചെന്ന് സിം സ്വന്തമാക്കാം.
6. മറ്റ് ഫോണുകളിൽ Jio സിം കിട്ടുമോ?
ഔദ്യോഗികമായി പറഞ്ഞാൽ ഇല്ല. എന്നാൽ നിങ്ങളുടെ ഫോൺ 4Gയും ഇന്ത്യയിലെ 4G ബാൻഡുകൾ സപ്പോർട്ട് ചെയ്യുന്നതും ആണെങ്കിൽ സിം സ്വന്തമാക്കാം. MyJio ആപ്പിന്റെ പഴയ വെർഷൻ (v3.2.05) ഇൻസ്റ്റോൾ ചെയ്ത് അതിലെ മാറ്റ് 10 Jio ആപ്പുകളും ഇൻസ്റ്റോൾ ചെയ്യണം. ശേഷം നെറ്റ് ഓഫ് ആക്കി MyJio ആപ്പ് തുറന്നാൽ Get Jio SIM ഓപ്ഷൻ കാണിക്കും. വീണ്ടും നെറ്റ് ഓൺ ആക്കി ആ ബട്ടൺ അമർത്തി ബാർകോഡ് ജനറേറ്റ് ചെയ്ത് അടുത്തുള്ള Reliance Digital സ്റ്റോർ അല്ലെങ്കിൽ DX Mini സ്റ്റോറിൽ പോയി സിം സ്വന്തമാക്കാം.
7. ഞാൻ Reliance Storeൽ പോയപ്പോൾ എന്റെ ഫോണിന് സിം തരില്ലെന്ന് പറഞ്ഞു. ഇനിയെന്ത് ചെയ്യും?
ഔദ്യോഗികമായി സിം ലഭിക്കുന്ന LYF, Samsung ഫോൺ അല്ലെങ്കിൽ പല കടക്കാരും സിം തരില്ല. മേൽപ്പറഞ്ഞതുപോലെ നിങ്ങളുടെ ഫോണിൽ ബാർകോഡ് ജനറേറ്റ് ചെയ്ത് സിം ലഭിക്കുന്ന ഏതെങ്കിലും Samsung ഫോൺ കാണിച്ചാൽ സിം കിട്ടാൻ സാധ്യതയുണ്ട്.
8. എന്റെ ഫോൺ 3G ആണ്. എനിക്ക് സിം കിട്ടിയാൽ ഉപയോഗിക്കാൻ പറ്റുമോ?
ഇല്ല. Jio നിലവിൽ 4G സർവീസ് മാത്രമേ തരുന്നുള്ളൂ. അതുകൊണ്ട് 4G നെറ്റ്‌വർക്ക് മാത്രമേ ലഭിക്കൂ. 3G ഫോണിൽ അതിനാൽ നെറ്റ്‌വർക്ക് ലഭിക്കില്ല.
9. LYF ഫോണിൽ കിട്ടുന്ന Jio സിം എനിക്ക് മറ്റ് ഫോണുകളിൽ ഉപയോഗിക്കാൻ പറ്റുമോ?
ഉപയോഗിക്കാം. എന്നാൽ Samsung ഫോണുകളിൽ കിട്ടുന്നത് പോലെ അൺലോക്ക്ഡ് അല്ല LYFലേത്. അത് IMEI ലോക്ക്ഡ് ആണ്. അതിനാൽ അത് ലോഞ്ച് ചെയ്യുന്നതുവരെ ഉപയോഗിക്കാൻ കഴിയില്ല.
10. Jio സിം ആക്ടിവേറ്റ് ആകാൻ എത്ര സമയം എടുക്കും?
24 മണിക്കൂർ മുതൽ 10 ദിവസം വരെ എടുക്കാം.
11. സിം ആക്റ്റീവ് ആയി. പക്ഷെ 2GB മാത്രമേ കാണിക്കുന്നുള്ളൂ.
Jio സിം ആക്റ്റീവ് ആകുമ്പോൾ തന്നെ ഒരു സ്റ്റാർട്ടർ പായ്ക്ക് കൂടി ആക്റ്റീവ് ആകും. അതിൽ 2GB ഇന്റർനെറ്റ്, 100മിനിറ്റ് VoLTE കോളുകൾ, 100SMS എന്നിവ കിട്ടും.
12. അൺലിമിറ്റഡ് പ്രിവ്യു പായ്ക്ക് എങ്ങനെ ആക്ടിവേറ്റ് ചെയ്യും?
സിം ആക്റ്റീവ് ആയതിന് ശേഷം വീണ്ടും MyJio ആപ്പ് ഓപ്പൺ ചെയ്യുക. അവിടെ Get Jio SIM എന്നോ Avail Offer എന്നോ കാണാം. അത് തുറന്ന് 4 Jio ആപ്പുകൾ (JioPlay, JioOnDemand, JioBeats, JioSecurity) ഇൻസ്റ്റോൾ ചെയ്യണം. കുറച്ച് സമയത്തിനകം പ്രിവ്യു ഓഫർ ആക്റ്റീവ് ആകും.
13. പ്രിവ്യു ഓഫർ ആക്റ്റീവ് ആയതിന് ശേഷം ഞാൻ ആ സിം മറ്റൊരു ഫോണിൽ ഇട്ടാൽ പ്രിവ്യു ഓഫർ കട്ട് ആകുമോ?
നമ്മുടെ സിമ്മിൽ പ്രിവ്യു ഓഫർ ആക്റ്റീവ് ആകുമ്പോൾ നമ്മുടെ ഫോണിന്റെ IMEI നമ്പറും അതിനോടൊപ്പം പെയർ ആകുന്നുണ്ട്. അതിനാൽ മറ്റൊരു ഫോണിൽ ഇട്ടാൽ 4-5 ദിവസത്തിനുള്ളിൽ പ്രിവ്യു ഓഫർ കട്ട് ആകും എന്നാണ് അറിയാൻ കഴിഞ്ഞത്.
14. Jio സിം പോർട്ട് 1ൽ മാത്രമേ പ്രവത്തിക്കുകയുള്ളോ?
അല്ല. പക്ഷെ പ്രിവ്യു ഓഫർ തല്ക്കാലം സിം പോർട്ട് 1ൽ മാത്രമേ പ്രവർത്തിക്കൂ.